قال عبد الإله ابن كيران، الأمين العام لحزب العدالة والتنمية، إن الحكومة الحالية توجه النسبة الأكبر من الميزانية العمومية المخصصة للصحة إلى القطاع الخاص، بدل الاستثمار في المستشفيات العمومية التي تحتاج إلى دعم عاجل.

وأوضح ابن كيران، خلال ندوة صحفية، صباح اليوم الجمعة، أن "80 في المائة من الفلوس اللي كتمشي للصحة، كتمشي للقطاع الخاص، وكنسمع على المصحات اللي تنبت بحال الشومبينيون، وعمر هادشي ما كان فالمغرب".

وأضاف أن هذا التوجه رافق ما وصفه بـ"إلغاء فعلي" لنظام المساعدة الطبية "راميد": "حيدنا 8 د المليون ديال الناس من الراميد، وقررنا نعطيو الصناديق بحال الكنوبس واللاسينيسيس 7 د المليار درهم، ولكن هاد الفلوس ما مشاتش للصحة العمومية، مشات للقطاع الخاص".

وتابع منتقدا: "فين كتمشي هاد الفلوس؟ للمصحات، للقطاع الخاص، ماشي للناس اللي فالمستشفيات العمومية، هادشي كيعني أن الفقير اللي كان كيمشي يتعالج بالراميد ويفرح، اليوم ولى كيتمرمط، ولا خصو يمشي يشد الصف عند المحسنين باش يعالج راسو".

واعتبر ابن كيران أن هذا التوجه هو "خصخصة غير معلنة" لقطاع الصحة، محذرا من أن "هاد الطريق غادي تدي المغرب لأزمة صحية مستقبلية، لأن الصناديق اللي كتخلص هاد المصحات غادي توصل نهار وتعجز على الأداء".

وشدّد على أنه "خاص الفلوس ديال الصحة تمشي للناس اللي ما عندهمش، ماشي لمصحات كتنبت كالفطر بلا ما نعرفو منين كيجيبوا الفلوس ولا شكون كيمولهم".